لما تدخل بجوجل أو فيسبوك منآخد اسمك وإيميلك ورقم حسابك عندن، لحتى نعرفك لما ترجع. وبعدها الاسم واسم المستخدم والمدينة يلي بتكتبن، وإذا بنت أو شب.
ما منشوف كلمة السر تبعك، ولا أصحابك، ولا منكتب أي شي باسمك على جوجل أو فيسبوك.
وقت تطلب كود زيارة منتأكد إنك جنب المكان. منحفظ قديش كنت بعيد عنو بس، مو وين كنت.
صورتك ونقاطك وزياراتك محفوظين هلق على موبايلك. لما ننقلن لعنا رح نحدّث هالصفحة.
اسمك واسم المستخدم وشارتك بيبيّنوا للاعبين التانيين. الإيميل ما حدا بيشوفو غير فريق تَكْتَكَة.
ابعتلنا على privacy@taktake.com من نفس الإيميل يلي دخلت فيه، ومنمسح حسابك وكل شي إلو علاقة فيه خلال 30 يوم.
آخر تحديث: تشرين الأول 2026